KAMARJERJA ÇAPKËNE

_______________________

Si një buzëqeshje i ndrinin sytë,
buzagazin medaljon mbi buzë...
Një bukuri e kthyer në mit,
vinte e pastronte tavolinën...

Me tabakanë ngjitur në duar,
përkulej lehtë per porositë...
Si padashur gjoks zbuluar,
me dinakeri i hidhte sytë...

Ne vështronim të mahnitur,
herë buzëqeshjen përmbi buzë...
Herë kodrinat gjysëm zbuluar,
çapkënen e bukur gjuhëshpuzë...

Dinakja përsëri buzëqeshte,
hidhte veshtrimin si një dhelpër...
ne gjithë turp më nuk flisnim,
e thërrisnim për porosi tjetër...

Nën zë thoshim ndonjë fjalë,
vështronim tinëz si padashur...
Herë mbi gjoksin e saj të bardhë,
herë mbi buzët e përgjakur...

Sotiraq Naçi 9 MARS 2015